ភ្នំពេញ : អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១៧ ខែកក្កដា ឆ្នាំ២០២១ បានចេញប្រកាសមានកម្រិតហានិភ័យចំពោះទីតាំងចំនួន៥រួមមាន៖
១, ផ្សារ ម៉ាក្រូ (Makro Market) សាខាភ្នំពេញថ្មី ដែលមានទីតាំងស្ថិតនៅផ្លូវលេខ១០០៣ សង្កាត់ភ្នំពេញថ្មី ខណ្ឌសែនសុខ នៅថ្ងៃទី១០ ខែកក្កដា ឆ្នាំ២០២១ ចាប់ពីម៉ោង ១៥៖៤០ ដល់១៦៖២០ មូលហេតុអ្នកជំងឺកូវីដ-១៩ មានគ្នា២នាក់ បានចូលទៅទិញទំនិញនៅទីតាំងខាងលើនេះ។
២, ផ្សារ បាយ័ន (Bayon Market) សាខាទួលគោក ដែលមានទីតាំងស្ថិតនៅផ្លូវលេខ៣៣៧ សង្កាត់បឹងកក់២ ខណ្ឌទួលគោក នៅថ្ងៃទី១០ ខែកក្កដា ឆ្នាំ២០២១ ចាប់ពីម៉ោង ១៦៖៣០ មូលហេតុអ្នកជំងឺកូវីដ-១៩ មានគ្នា២នាក់ បានចូលទៅទិញទំនិញនៅទីតាំងខាងលើនេះ។
៣, ផ្សារទំនើប សូភើស៊្ទរ (Cambodian Superstore) ដែលមានទីតាំងស្ថិតនៅផ្លូវលេខ ១៩៨៦ សង្កាត់ភ្នំពេញថ្មី ខណ្ឌសែនសុខ នៅថ្ងៃទី១១ ខែកក្កដា ឆ្នាំ២០២១ ចាប់ពីម៉ោង ១៤៖៣០ ដល់ម៉ោង១៥៖០០ មូលហេតុអ្នកជំងឺកូវីដ-១៩ មានគ្នា២នាក់ បានចូលទៅទិញទំនិញនៅទីតាំងខាងលើនេះ។
៤, ហាង វីន សូ (WINSOU) សាខាផ្សារដីហុយ ដែលមានទីតាំងស្ថិតនៅផ្លូវលេខ១០១៩ (ផ្លូវហាណូយ) សង្កាត់គោកឃ្លាង ខណ្ឌសែនសុខ នៅថ្ងៃទី១១ ខែកក្កដា ឆ្នាំ២០២១ ម៉ោង ១៥៖០០ មូលហេតុអ្នកជំងឺកូវីដ-១៩ មានគ្នា២នាក់ បានចូលទៅទិញទំនិញនៅទីតាំងខាងលើនេះ។
៥, គ្លូប៊ល ហៅស៍ (Global House) ដែលមានទីតាំងស្ថិតនៅ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ចាប់ពីថ្ងៃទី៦ ដល់ថ្ងៃទី១១ ខែកក្កដា ឆ្នាំ២០២១ មូលហេតុអ្នកជំងឺកូវីដ-១៩ ជាច្រើននាក់ គឺជាបុគ្គលិកធ្វើការនៅទីតាំងខាងលើនេះ។
អនុគណៈកម្មការស្រាវជ្រាវ និងតាមដានបុគ្គលសង្ស័យនិងណែនាំឱ្សប្រជាពលរដ្ឋដែលធ្លាប់បានទៅទីតាំងខាងលើ ដាក់ខ្លួនដាច់ដោយឡែកនិងតាមដានសុខភាពរបស់ខ្លួនរយៈពេល ១៤ថ្ងៃ តាមវិធានសុខាភិបាលរាប់ចាប់ពីថ្ងៃដែលអ្នកបានទៅទីកន្លែងនោះ នៅថ្ងៃឬក្រោយថ្ងៃអ្នកជំងឺបានទៅ។
អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ បានអំពាវនាវដល់ប្រជាពលរដ្ឋធ្លាប់ទៅទីតាំងទាំង៥នេះ ប្រសិនបើមានអាការៈមិនស្រួលខ្លួន ឬលេចចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើមសូមមេត្តាប្រញាប់ទៅធ្វើតេស្តរកមេរោគកូវីដ-១៩។
ទីតាំងសម្រាប់ធ្វើតេស្ដមាននៅវិទ្យាល័យបាក់ទូក វិហារយេស៊ូ ច្រមុះជ្រូកស្ទឹងមានជ័យ (ខណ្ឌ មានជ័យ) ផ្លូវទ្រុងមាន់ (ខណ្ឌ សែនសុខ) ម៉ូឌែន៥ (ខណ្ឌ ឫស្សីកែវ) សួនការណាឌីយ៉ា (ខណ្ឌ មានជ័យ) និងមន្ទីរពេទ្យបង្អែកនៅតាមបណ្តាខេត្តនានា៕